गडचिरोलीचे खुर्शिद शेख आणि उस्मानाबादचे उमेश खोसे या जिल्हा परिषद शिक्षकांची 'राष्ट्रीय शिक्षक' पुरस्कारासाठी निवड...!
नवी दिल्ली (शालेय वृत्तसेवा ) :
भारत सरकारच्या वतीने दरवर्षी शिक्षक दिनानिमित्तन दिला जाणारा 'राष्ट्रीय शिक्षक पुरस्कार 2021' साठी यावर्षीचा महाराष्ट्रातील दोन उपक्रमशील शिक्षकांची निवड करण्यात आली आहे.
गडचिरोली जिल्ह्यातील तालुका शिरोंचा येथील जिल्हा परिषद उच्च प्राथमिक शाळा कासराळी चे शिक्षक श्री. खुर्शिद कुतुबुद्दीन शेख आणि उस्मानाबाद जिल्ह्यातील तालुका उमरगा येथील जिल्हा परिषद प्राथमिक शाळा जगदंबानगर कदोरा चे शिक्षक श्री. उमेश रघुनाथ खोसे यांना जाहीर झाला आहे.
भारतातील उपक्रमशील चौरेचाळीस शिक्षकांना राष्ट्रीय शिक्षक पुरस्कार 2021 साठी निवड झाली असून लवकरच समारंभपूर्वक हा पुरस्कार त्यांना प्रदान करण्यात येईल. राष्ट्रीय शिक्षक पुरस्कार साठी निवड झालेल्या सर्वांचे शालेयवृत्त न्यूज नेटवर्क च्या वतीने मनःपूर्वक अभिनंदन !
राज्यातील जि.प. शाळांत अध्यापन करणारे उस्मानाबाद जिल्ह्यातील शिक्षक श्री.उमेश रघुनाथ खोसे जी आणि गडचिरोली जिल्ह्यातील शिक्षक श्री. शेख खुर्शीद कुतबुद्दीन जी यांना केंद्रीय शिक्षण मंत्रालयातर्फे घोषित 'राष्ट्रीय शिक्षक पुरस्कार' जाहीर झाल्याबद्दल त्यांचं मनःपूर्वक अभिनंदन!
देशभरातुन एकूण ४४ शिक्षकांना 'राष्ट्रीय शिक्षक पुरस्कार' जाहीर झाला असून सर्वांचे अभिनंदन!त्यात २ महाराष्ट्राच्या सुपुत्रांचा समावेश आहे,ही बाब खरोखरंच अभिमानास्पद आहे.अशाच प्रतिभावान शिक्षकांमुळे महाराष्ट्राची नवी पिढी घडेल आणि राज्याचे, देशाचे नावलौकिक करेल,याची मला खात्री आहे.
- शालेय शिक्षणमंत्री वर्षा गायकवाड
आपल्या प्रतिक्रिया आमच्यासाठी महत्त्वपूर्ण आहेत .