नांदेड ( शालेय वृत्तसेवा ) :
जिल्हा परिषद केंद्रीय प्राथमिक शाळा चौफाळा बीटचे शिक्षणविस्तार अधिकारी माधव नामदेवराव दुधमल हे आज शिक्षण विभाग जिल्हा परिषद नांदेड मध्ये प्राथमिक शिक्षक केंद्रप्रमुख आणि शिक्षणविस्तार अधिकारी ही तीन ही पदे भूषवून नियत वयोमानानुसार सेवानिवृत्त होतं आहेत.
त्यांनी आपल्या कार्यकाळात आपल्या कार्याचा ठसा उमटवला, आणि म्हणून काल शनिवार असून सुद्धा चौफाळा बीट मधील शिक्षक मोठ्या संख्येने उपस्थित होते. कार्यक्रमाच्या अध्यक्ष स्थानी चौफाळा केंद्राचे केंद्रप्रमुख मारोती घोडजकार सर हे होते तर प्रमुख पाहुणे म्हणून केंद्रीय मुख्याध्यापक उत्तम जाधव सर, कामठा शाळेचे माजी मुख्याध्यापक आणि पोहरे सर उपस्थित होते.
चौफाळा केंद्राच्या वतीने दूधमल सरांना सपत्नीक कपडेरूपी आहेर आणि भेट वास्तू देण्यात आली. प्रल्हाद राठोड,माने सर, घोडजकर सर यांनी सरांच्या कार्याबद्दल गौरवोदगार काढले. सत्कारास उत्तर देताना दूधमल सर खूप भावुक झाले होते, तरी त्यांनी मी अधिकारी जरी असलो तरी मला मी प्रती शिक्षक म्हणून केलेले कार्यक्रम खूप आवडले असून सर्वांचे आभार व्यक्ती केले.
सरांचे पाहुणेमंडळी आणि नातेवाईक मोठ्या प्रमाणात या कार्यक्रमास उपस्थित होते. कामठा येथील विदर्थिनींनी एक सुंदर स्वागत गीत घेतले. कार्यक्रमाचे प्रास्ताविक मिलिंद ढवळे सर यांनी केले तर कार्यक्रमाचे बहारदार सूत्रसंचलन कदम सर यांनी केले.
आपल्या प्रतिक्रिया आमच्यासाठी महत्त्वपूर्ण आहेत .