नांदेड ( शालेय वृत्तसेवा ) :
भविष्यात योग्य भूमिका पार पाडायची असेल तर संविधान समजणे अत्यावश्यक आहे. देशाचे नियम जाणणारेच देश चालवू शकतात आणि बदल घडवू शकतात. म्हणूनच संविधान वाचा, समजून घ्या आणि संविधान जगा, असे प्रतिपादन शिक्षण व लोकविज्ञान चळवळीतील प्रबोधनकर्ते डॉ. हेमंत कार्ले यांनी केले.
जिल्हा परिषद हायस्कूल, बारड यांच्या वतीने प्रशालेच्या पटांगणावर आयोजित कार्यक्रमात ते विद्यार्थ्यांशी संवाद साधत होते. डॉ. कार्ले यांनी संविधान निर्मितीची प्रक्रिया, संविधानाने दिलेले मूलभूत हक्क आणि प्रत्येक नागरिकाची जबाबदारी असलेली मूलभूत कर्तव्ये यांचे महत्व विद्यार्थ्यांना समजावून सांगितले. संविधान हीच आपली ओळख आहे आणि तिचे रक्षण करणे हे प्रत्येकाचे कर्तव्य आहे, असेही ते म्हणाले.
कार्यक्रमास प्रशालेचे मुख्याध्यापक अजय रुद्रकंटवार, दिंगम्बर कदम, तानाजी ताटे, विठ्ठल पवार, वांगीकर, चमकुरे, अंबड, चंदणकर, संतोष राऊत, सौ. भालके सह शिक्षक-शिक्षकेतर कर्मचारी आणि विद्यार्थी मोठ्या संख्येने उपस्थित होते. कार्यक्रमाचे आकर्षक सूत्रसंचालन प्रेरणा सुकापुरे हिने केले, तर आभार प्रदर्शन वैष्णवी धुडकेवार हिने केले.
आपल्या प्रतिक्रिया आमच्यासाठी महत्त्वपूर्ण आहेत .