नांदेड ( शालेय वृत्तसेवा ) :
मारतळा दि 23 डिसेंबर 2021 आज भारताचे पाचवे पंतप्रधान श्री चौधरी चरण सिंग यांचा जन्मदिवस म्हणजे 23 डिसेंबर हा दिवस पूर्ण भारतात राष्ट्रीय शेतकरी दिवस म्हणून साजरा केला जातो त्या जोड म्हणून शाळेचे उपक्रमशील शिक्षक रवी ढगे यांच्या संकल्पनेतून शेतात जाऊन शेतकऱ्यांचा सन्मान करण्यात आला.
मुलांना शेतकरी व शेती याबद्दल कृतज्ञताअसावी श्रम करण्याची भावना त्यांच्यात निर्माण व्हावी म्हणून जिल्हा परिषद केंद्रीय प्राथमिक शाळा मारतळा शाळेतील वर्ग पाचवी ते सातवीचे सर्व मुलांनी प्रत्यक्ष मारतळा येथील शेतकरी गोविंद बीचेवाड यांचा शेतात जाऊन पुष्पहार घालून सत्कार केला नंतर शेतकरी हा जगाचा पोशिंदा कसा आहे देशाच्या विकासात शेतकऱ्यांचे खूप मोठे कसे योगदान योगदान आहे याबद्दल सविस्तर माहिती ढगे सर यांनी दिली.
यावेळी शेतकरी गोविंद बीचेवाड यांनी शेतकऱ्यांचा दिनक्रम सर्व मुलांना सांगितला व आपल्या शेतातील बोर मुलांना खाण्यासाठी दिली तसेच सत्कार केल्याबद्दल सर्व मुलांचे व शाळेचे आभार व्यक्त केले यावेळी शाळेचे मुख्याध्यापक श्री व्यंकट मुगावे, प्रल्हाद पवार उपक्रमशील शिक्षक रवी ढगे व विद्यार्थी मोठ्या संख्येने उपस्थित होते
आपल्या प्रतिक्रिया आमच्यासाठी महत्त्वपूर्ण आहेत .