नांदेड ( शालेय वृत्तसेवा ) :
महाराष्ट्र पुरोगामी प्राथमिक शिक्षक संघटना राज्य शाखेच्यावतीने मुख्यमंत्री उद्धव ठाकरे ,अर्थमंत्री अजित पवार, प्रधान सचिव वित्त विभाग, यांना राज्याध्यक्ष प्रसाद पाटील, राज्य सरचिटणीस हरिश ससनकर यांच्या स्वाक्षरीचे निवेदन नुकतेच मेल करण्यात आले. अशी माहिती राज्य उपाध्यक्ष जी.एस.मंगनाळे यांनी दिली.
महाकोशाच्या बीईए एम एस. प्रणाली वरून भविष्य निर्वाह निधी बीडीएस निघण्याची प्रणाली तात्काळ सुरू करण्याबाबत महाराष्ट्र शासनाच्या वित्त विभागस्तरावरून दि.14 मार्च 2021पासून महाकोष च्या बीईए एम एस प्रणाली वरून भविष्य निर्वाह निधी निघण्याची प्रणाली बंद होती .संघटनेच्या मागणीनंतर मध्यंतरी थोडे दिवस सदर प्रणाली सुरू झाली व काही प्रकरणे निकाली निघाली पण गेली तीन आठवडे पुन्हा सदर प्रणाली बंद पडल्याने राज्यातील शिक्षकांना भविष्य निर्वाह निधी मधून परतावा निधी,ना परतावा निधी मिळण्यासाठी अंतिम देयक कोषागार कार्यालयात सादर करता आलेली नाही.
आज रोजी प्रत्येक जिल्हा परिषदेमध्ये प्राथमिक शिक्षकांची शेकडो प्रकरणे गेले सहा महिने प्रलंबित असल्याने राज्यातील सर्व जिल्ह्यांमध्ये कोरोना चा वाढता प्रादुर्भाव पाहता देयके अभावी वैद्यकीय उपचार , इतर वैद्यकीय उपचार, मुलीचे लग्न, मुलांचे शिक्षण यामुळे आर्थिक तणावात राज्यातील शिक्षक वावरत आहे. तरी संबंधित शिक्षकांना आपल्या भविष्य निर्वाह निधी मधून निधी मिळण्यासाठी महाकोशाच्या प्रणाली वरून भविष्य निर्वाह निधीची बीडीएस प्रणाली तात्काळ सुरू करण्याची मागणी संघटनेच्या वतीने करण्यात आली.
आपल्या प्रतिक्रिया आमच्यासाठी महत्त्वपूर्ण आहेत .